• En memoria
• Biografic
  • Sils tschunconta
  • Per ils sissonta
  • Per ils 65
  • Sils siatonta
  • Per ses otgonta
  • Sils otgontatschun
    • Fotos
  • Per ses navonta
• Bibliografia
  • Ovras auditivas
  • En cudischs da scola
  • Ella Tuatschina
• Recensiuns
• Il lungatg
• Premis
• Ella pressa
• Egl internet
• Fotos
• Audio e film
• Stizun
• Resun e contact
• Declaronza schurmetg da datas

Pieder de Putnengia
En nies roman encorsch'ins beinduras gl'intent historic, mo il pli savens ei l'aventura dell'olma, il combat dil Pieder sco carstgaun tuttina surprendents. Ell'arena dil cor ha il bab della Ligia Grischa battiu il grond combat. Quei ha igl autur vuliu, buca mo in Pieder historic, mobein igl um de carn e saung, taccaus vid il suc della tiara. El ha buca copiau in Giachen Hasper Muoth, in Fry, in Camathias e Nay. El ha pilver tschercau novas untgidas e quei ei pilvermo il bi dil roman. El lai batter il Pieder il viv combat de pader, ina veritabla lutga denter Diu e demuni; el lai veser e sentir il lectur las difficultads dil claustral, difficultads humanas el ver senn dil plaid, las greflas della luschezia ed ambiziun. — L'ura veritabla digl empruament, e quei mument ei la culminaziun dil roman, e quei combat e quella lutga surventschida renda a nus il Pieder de Pultengia simpatics e cars